Idman.biz
"Lids" İngiltərə Kubokunda növbəti mərhələyə yüksəlsə də, "Birmingem"lə duel komanda üçün heç də asan keçməyib.
İdman.Biz xəbər verir ki, təşəbbüs uzun müddət "Birmingem"də olub. Meydan sahibləri bir neçə real imkan qazansa da, hesabı aça bilməyiblər.
Daniel Farke fasilədə heyətə müdaxilə etdikdən sonra "Lids" daha inamlı təsir bağışlayıb və Lukas Nmeçanın uzaq məsafədən baxımlı zərbəsi ilə önə keçib.
Buna baxmayaraq, oyun ssenarisi tam dəyişməyib. "Birmingem" son dəqiqələrdə Patrik Robertsin topa toxunuşundan sonra hesabı bərabərləşdirərək matçı əlavə vaxta daşıyıb. Əlavə yarım saat qarşılıqlı hücumlar şəraitində keçsə də, qalib müəyyənləşməyib.
Penaltilər seriyasında isə daha dəqiq tərəf "Lids" olub və komanda mərhələ adlayıb. Premyer Liqada qalmaq uğrunda mübarizədə üstün mövqedə olan Farkenin kollektivi indi həm çempionatda, həm də kubokda yoluna davam edir.
