Sport24.az
İngiltərənin "Nottingem Forest" klubu hazırda icarə əsasında "Qalatasaray"da çıxış edən "Napoli"nin forvardı Viktor Osimheni transfer etmək üçün mübarizəyə qoşulub. Sport24.az xəbər verir ki, bu barədə TEAMtalk məlumat yayıb.
"Meşəçilər" 26 yaşlı nigeriyalı hücumçu uğrunda mübarizədə "Mançester Yunayted" və PSJ-ni qabaqlamaq üçün İtaliya klubuna 75 milyon avro ödəmək niyyətindədir.
Qeyd edək ki, "Qalatasaray" Osimheni ötən ilin sentyabrında "Napoli"dən icarəyə götürüb. Nigeriyalı bu mövsüm meydana çıxdığı 30 matçda 26 qol vurub və 5 məhsuldar ötürmə edib.
