Sport24.az
"Çelsi" 74 milyon avro qarşılığında Portuqaliya "Sportinq"inin 2 gənc futbolçusunu "rənglərinə bağlayıb". Sport24.az xəbər verir ki, bu barədə jurnalist və insayder Fabrizio Romano sosial şəbəkə hesabında məlumat yayıb.
O, bildirib ki, London klubu 17 yaşlı portuqaliyalı cinah yarımmüdafiəçisi Geovani Kenda ilə yanaşı, hazırda İspaniyanın "Las Palmas" klubunda icarə əsasında çıxış edən portuqaliyalı 20 yaşlı yarımmüdafiəçi Dario Esuqa ilə anlaşıb.
Esuqu (22,27 milyon avro) 2025-ci ilin yayında "Çelsi"yə keçəcək, Kenda isə (52,14 milyon avro) daha bir il "Sportinq"də qalıb, 2026-cı ilin yayında "zadəganlar"ın futbolçusu olacaq.
Qeyd edək ki, "Las Palmas"ın dayaq yarımmüdafiəçisi cari mövsümdə bütün yarışlarda 19 oyun keçirib və bir qol vurub. Kenda isə Lissabon klubunun heyətində ümumilikdə bütün turnirlərdə 44 matçda iki qol vurub və 8 məhsuldar ötürmə edib.
