Sport24.az
Yay "transfer pəncərəsi"ndə klublar transferlərə rekord məbləğdə pul xərcləyib. Sport24.az xəbər verir ki, bu barədə FİFA hesabat yayıb.
Yay "transfer pəncərəsi" iyunun 1-dən sentyabrın 2-dək, o cümlədən ABŞ-da keçirilən Klublararası Dünya Çempionatı ilə əlaqədar iyunun 1-dən 10-a kimi xüsusi müddət də açıq olub. Bu zaman kəsiyində kişilərin peşəkar futbolunda 12 minə yaxın beynəlxalq transfer edilib ki, bu da yeni rekorddur.
Klubların transfer xərcləri 9,76 milyard dollara yüksəlib. Bu da bütün zamanların ən yüksək göstəricisidir və 2024-cü ilin eyni dövrü ilə müqayisədə 50%-dən çox çoxdur.
Qeyd edək ki, İngiltərə klubları yeni keçidlərə 3 milyard dollardan çox pul xərcləyib. Bu, milli assosiasiyalar arasında bütün zamanların rekordudur.
