İdman.biz
İngiltərə çempionatında kuryoz hadisə yaşanıb.
İdman.biz xəbər verir ki, bu, IX divizionda keçirilən "Bearsted" – "Fişer" matçında yaşanıb.
Hadisənin "qəhrəman"ı meydan sahiblərinin qapıçısı Frenki Leonard olub. O, epizodların birində rəqibin zərbəsini dəf etmək üçün fədakarlıq göstərib.
Qolkiper ayağı tora ilişmək bahasına olsa da, topu qaytarıb. Amma ayağını tordan çıxarmaq arzusu qapının aşması ilə nəticələnib. Sökülən qapı bərpa olunduqdan sonra matç davam etdirilib.
Qeyd edək ki, qapıçının fədakarlığı yekunda yetərli olmayıb. Qonaqlar 1:0 hesablı qələbə qazanıblar.
İdman.biz
