Idman.biz
Miqrant işçilərin hüquqları və idmana həsr olunmuş qeyri-kommersiya təşkilatı Beynəlxalq Futbol Federasiyasının (FIFA) Etika Komitəsinə şikayət ərizəsi təqdim edib.
İdman.Biz-in "The Athletic"ə istinadən məlumatına görə, təşkilat FIFA prezidenti Canni İnfantinonu təşkilatın etika qaydalarını pozmaqda ittiham edib.
Mənbənin məlumatına görə, şikayətdə İnfantinonun siyasi neytrallığı qorumaq öhdəliyini pozduğu vurğulanır və bunun baş verdiyi konkret hallar - hamısı ABŞ prezidenti Donald Trampa ictimai dəstəyi ilə bağlıdır:
1. İnfantino Trampın Nobel Sülh Mükafatını alması üçün lobbiçilik edib.
2. İnfantino FIFA prezidenti vəzifəsində çalışdığı Mayamidə keçirilən biznes forumunda Trampı dəstəkləyən çıxış edib.
3. 2026-cı il Dünya Kubokunun püşkatma mərasimində İnfantino Trampı tərifləyib və onun siyasətini dəstəkləyib.
4. Yanvar ayında FIFA prezidenti Trampa andiçmə mərasimindən əvvəl onu prezidentlik mitinqinə dəvət etdiyinə görə təşəkkür edən video yayımlayıb və "Birlikdə təkcə Amerikanı deyil, həm də dünyanı yenidən böyük edəcəyik" sözləri ilə yekunlaşdırıb.
Etika Komitəsindən həmçinin FIFA Sülh Mükafatının təsis edilməsi və Trampa təqdim edilməsi ilə bağlı halları araşdırması tələb olunur, çünki onun yaradılması nə FIFA Şurası, nə də vitse-prezidentlər ilə məsləhətləşmə aparılmayıb. Bundan əlavə, namizədliklər, meyarlar, hakimlər və ya seçim prosesi olmayıb.
