Sport24.az
"Əslində ev oyunlarımızı bizə ən yaxın bölgədə keçirməyi planlaşdırmışdıq. Ən pis halda Bakıya üz tutmaq istəyiridik. Amma Saatlıda ot örtüyünün istənilən səviyyədə olmaması, paytaxtda isə "formula 1"-in keçiriləməsi planlarımızı pozdu. Belə olduqda "Turan Tovuz" rəhbərliyi sağ olsun, bizə jest edərək təmənnasız stadiondan istifadə etməyə icazə verdi. Azarkeş məsələsinə gəlincə, oyun iş gününə təsadüf etdiyindən inanmıram ki, Tovuza çox azarkeşimizin gedəcəyi gözlənilmir. Klub olaraq da avtobus ayırmamışıq. Amma kimlərsə yəgin ki, öz hesabına gedəcək. Bundan başqa tovuzlu fanatların stadiona gələcəyini gözləyirik. Ən azı heyətimizdə Tərlan Quliyev və Abbas Ağazadə kimi tovuzlu futbolçularımız var və onlara görə tribunadan dəstək alacağımızı düşünürəm". Bu sözləri Sport24.az-a açıqlamasında "İmişli"nin icraçı direktoru Aqşin Mürsəlov deyib.
Klub rəsmisi İmişli stadionunda gedən işlərdən və transfer məsələlərindən də danışıb: "Stadionumuzda yenidənqurma və təmir işləri davam edir. Qazonun yenilənməsi üçün toxum səpmişik, yaxın zamanlarda otun qalxmasını gözləyirik. Biz də çox istəyirik ki, işlər tez bitsin və ev oyunlarımızı öz rayonumuzda keçirək. Transsfer məsələsinə gəlincə, yaxın günlərdə daha bir-iki futbolçunun komandaya qoşulacağı gözlənilir".
Qeyd edək ki, "İmişli" bu gün I Liqanın debütantı "Baku Sportniq"lə üz-üzə gələcək. Tovuz şəhər stadionunda keçirələcək matçın start fiti saat 18:00-da səslənəcək.
ABDULLA İSMAYILOĞLU
