Sport24.az
"Qəbələ" ilə oyuna yaxşı hazırlaşmışdıq. Matç rəqibin indiyə kimi məğlub olmamağı, az qol buraxmadığı yox, bizim Premyer Liqaya vəsiqə qazanmaq baxımından vacib idi". Bu sözləri Sport24.az-a açıqlamasında "İmişli"nin baş məşqçisi Fərid Məmmədov deyib.
Aran təmsilçisinin çalışdırıcısı Birinci Liqanın 22-ci turunda "Qəbələ"ni məğlub etdikləri oyun barədə fikirlərini bölüşüb:
"Məşqçilər heyəti və futbolçular oyunun əhəmiyyətini başa düşürdü. Rəqibi yaxşı təhlil etmişdik. Həftəboyu təhlillərə əsaslanıb məşq planını qurmuşduq. "Qəbələ"nin təhlükəli tərəflərini və müdafiədəki boşluqlarını futbolçulara göstərmişdik. Oyunun böyük hissəsi bizim üstünlüyümüz şəraitində keçdi. Yaxşı müdafiə olunub, əlimizə düşən şansdan istifadə etdik. Elitaya yüksəlmək üçün bizə xallar lazımdır. Növbəti turlarda eyni motivasiya ilə digər komandalara qarşı da oynayacağıq. Premyer Liqaya yüksələcəyimiz halda heyətin neçə faizi dəyişəcək? Bu haqda elitaya vəsiqə qazanandan sonra fikirləşəcəyik. Təbii ki, birmənalı şəkildə güclənmək lazımdır".
Qeyd edək ki, "İmişli" "Qəbələ" matçı meydan sahiblərinin 1:0 hesablı qələbəsi ilə başa çatıb.
