Sport24.az
Misli Premyer Liqasın yeni mövsüm hələ start götürməsə də, artıq bir klubda baş məşqçi dəyişikliyi gündəmə gəlib. Sport24.az-ın əldə etdiyi məlumata əsasən, "İmişli" rəhbərliyi futbolçuların portuqaliaylı çalışdırıcı Xorxe Kaskilyadan narazılığını nəzərə alaraq, "sükan arxasına" yerli mütəxəssis dəvət etməyi planlaşdırır.
Mənbəmizin sözlərinə əsasən, "pələnglər" ilk turlarda uğursuzluğa düçar olacağı təqdirdə rəsmilər Sənan Qurbanovu baş məşqçi postuna dəvət etməyi düşünür.
Qeyd edək ki, Qurbanov karyerası ərzində "Qəbələ"nin, "Keşlə"nin (indiki "Şamaxı") baş məşqçisi kimi çalışıb. "Neftçi"də isə baş məşqçinin köməkçisi olub. 45 yaşlı mütəxəssis "Qəbələ" və "Keşlə" ilə ölkə kubokunun qalibi olub.
