Sport24.az
Yeni mövsümdə Misli Premyer Liqasında mübarizə aparacaq "İmişli"nin düşərgəsindən heç də yaxşı xəbərlər gəlmir. Bu günə kimi mətbuat katibi tapa bilməyən, media üçün qapalı siyasət sürən klubda "sular bulanıb". Sport24.az-ın əldə etdiyi məlumata görə, heyətə cəlb olunan yeni legionerlər baş məşqçi Xorxe Kaskilyadan narazıdırlar.
Daha doğrusu, futbolçular portuqaliyalı məşqçinin iş metodundan gileylənirlər. Onun məşqləri komanda üzvlərinin ürəyincə deyil. Hətta bununla bağlı rəhbərliyə də şikayət olunub. Rəsmilər isə ictimai qınağı, "niyə gətirmişdiz, niyə yola saldız" sözlərini eşitməmək üçün portuqaliyalı əməkdaşlığı davam etdirir.
Söylənilənlərə inansaq, mövsümün ilk dövrəsində "İmişli" ümidləri doğrultmayacağı təqdirdə Kaskilya yola salınacaq. Əvəzində isə baş məşqçi postuna yerli mütəxəssis dəvət olunacaq.
