Sport24.az
Misli Premyer Liqasının 1-ci turu çərçivəsində bu gün daha 2 oyun keçiriləcək. Sport24.az xəbər verir ki, ikinci oyununun ilk matçı Şamaxıda keçiriləcək.
Uzun fasilədən sonra elitaya yüksələn "İmişli" "Turan Tovuz"u qonaq edir. Stadion probelmi səbəbindən "doğma divarlar"dan uzaq düşən, mövsümlərarası fasilədə heyəti demək olar ki, sıfırdan yığılan "pələnglər"in "boz qurdlar"la matçda necə təsir bağışlayacağı maraqla gözlənilir.
Elə qarşısına çempionluq hədəfi qoyulan Tovuz klubunun da mövsümə hazır olub-olmadığı da bu görüşdə məlum olacaq.
Qeyd edək ki. qarşılaşmanın start fiti saat 17:00-da səslənəcək.
Misli Premyer Liqası
I dövrə, I tur
17:00. "İmişli" - "Turan Tovuz"
Hakimlər: Kamal Umudlu, Namiq Hüseynov, Vüsal Məmmədov, Cavid Cəlilov.
VAR: Tural Qurbanov.
AVAR: Eyyub İbrahimov.
Hakim-inspektor: Ramil Diniyev.
AFFA nümayəndəsi: Eldəniz Musayev.
Şamaxı. Şəhər stadionu.
