Idman.biz
Azərbaycan I Liqasında çıxış edən "İmişli" rəhbərliyi komandanın ev oyunlarını keçirdiyi şəhər stadionunun meydanının ot örtüyünün dəyişdirilməsi üçün yerli İcra Hakimiyyətindən və AFFA-dan cavab gözləyir.
İdman.biz xəbər verir ki, bunu "Report"a açıqlamasında Misli Premyer Liqasına vəsiqəni təmin edən bölgə təmsilçisinin icraçı direktoru Aqşin Mürsəlov deyib.
Klub rəsmisi yeni mövsümdə də ev oyunlarını Heydər Əliyev adına İmişli şəhər stadionunda keçirmək niyyətində olduqlarını söyləyib: "Bu barədə qəti fikir bildirmək hələ tezdir, bütün məsələlərə çempionat bitdikdən sonra aydınlıq gələcək. İstəyimiz odur ki, yeni mövsümdə də oyunlarımızı İmişlidə keçirək. Meydanın ot örtüyü yaxşı vəziyyətdə deyil. Bununla bağlı İmişli rayon İcra Hakimiyyətinə, AFFA-ya, Gənclər və İdman İdarəsinə müraciət etmişik və cavab gözləyirik".
Mürsəlov zərurət yaranacağı təqdirdə Bakıda da oynaya biləcəklərini bildirib: "Ot örtüyünün yenilənməsindən əlavə, stadionda görülməli digər işlər də var. İnfrastruktur Premyer Liqa səviyyəsinə uyğun olmalıdır. Müəyyən standartlara cavab verməlidir. Zərurət yaranarsa, Bakıda oynaya bilərik. Ancaq bizim üçün prioritet ev oyunlarımızı İmişli şəhər stadionunda keçirməkdir".
Qeyd edək ki, "İmişli" Azərbaycan I Liqasında 24 turdan sonra 47 xalla ikinci pillədə qərarlaşıb.
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
