Sport24.az
"Başqa təkliflərim də var idi. "Qəbələ"də də qala bilərdim. Amma bir qədər gözləməyə qərara almışdım. Elə yaşdayam ki, tələsik qərar verməyim düz çıxmazdı. Sonra "Kəpəz"dən təklif gəldi. Xeyli götür-qoy etdikdən sonra Gəncə təmsilçisiylə razılığa gəldik". Bu sözləri Sport24.az-a açıqlamasında İlkin Qırtımov deyib.
Təcrübəli müdafiəçi "Kəpəz"in maddi problemlə üzləşməsinə baxmayaraq, komandanın qarşısına qoyulan hədəfə çatacağını inandığını da bildirib: "Klubun üzləşdiyi problemlərdən xəbərim var. Bunları bilə-bilə təklifi dəyərləndirmişəm. Əlimizdən gələni komandamız üçün əsirgəməyəcəyik. "Sarı-göylər" köklü klubdu, böyük azarkeş dəstəyi var. Onlar ən ağır vaxtlarda da komanda tək qoymurlar. Odur ki, hamılıqla bir olub komandamızı elitada saxlayamaq üçün səfərbər olacağıq".
Qeyd edək ki, Qırtımovun son klubu "Qəbələ" olub.
