Idman.biz
İlkay Gündoğanın "Mançester Siti"də gələcəyi sual altındadır.
İdman.biz xəbər verir ki, bu barədə jurnalist Florian Plettenberq məlumat yayıb.
34 yaşlı türk əsilli almaniyalı yarımmüdafiəçinin İngiltərə klubu ilə hazırkı müqaviləsi 2026-cı ilin iyun ayına qədər qüvvədə olsa da, Avropanın bir neçə komandası onun mümkün transferi ilə maraqlanıb.
Əlavə şayiələri isə İngiltərə Premyer Liqasının ilk turundakı hadisələr gücləndirib: "Siti"nin "Vulverhempton"ə 4:0 hesabı ilə qalib gəldiyi oyunda Gündoğan meydana çıxmayıb və bütün 90 dəqiqəni ehtiyat oyunçular skamyasında keçirib. Bu, Pep Qvardiolanın təcrübəli yarımmüdafiəçinin gedişinə razılıq verməsinin siqnalı ola bilər.
Ötən mövsüm İlkay Gündoğan klub səviyyəsində bütün turnirlərdə 54 oyun keçirib, 5 qol vurub və 8 məhsuldar ötürmə edib. "Trasnfermarkt" onun transfer dəyərini 5 milyon avro olaraq qiymətləndirir.
Qeyd edək ki, daha əvvəl "Mançester Siti"nin futbolçunu "Qalatasaray"a satmağa razılaşdığı barədə məlumatlar yayılmışdı.
İdman.biz
