Sport24.az
"Zirə" avrokubokda "Şerif"dən başlayaraq "Osiyek""ə qədər mübariz oyunlar sərgiləyərək pley-offa yüksəlib. Rəşad Sadıqovun komandasının Kiprdə də tarix yazmaq şansı var". Bu sözləri Sport24.az-a açıqlamasında İlham Yadullayev deyib.
U-17 millisinin baş məşqçisi qəsəbə təmsilçisinin "Omoniya" ilə oyunlarda şanslarını da dəyərləndirib: "Omoniya" güclü komandadı, "Zirə" ilə müqayisədə onların avrokubok təcrübəsi daha çoxdu. Amma rəqibdən çəkinmək lazım deyil. Əminəm ki, Rəşad müəllim kiprliləri güclü-zəif tərəfini analiz etməklə yetirmələrinə lazımi tapşırıqlarını verəcək. "Qartallar" minimum səhvə yol verib, xarakter ortaya qoya biləslər uğur qazanacaqlar. Təmsilçimiz bu gün səfərdə keçiriləcək ilk oyunda qapısını toxunulmaz saxlaya bilsə, Bakıda keçiriləcək cavab qarşılaşmasına psixoloji üstünlüklə çıxacaq. İstənilən halda bütün suallara cavab qarşılaşmasında aydınlıq gələcək".
Qeyd edək ki, "Omoniya" – "Zirə" qarşılaşması bu gün Bakı vaxtı ilə saat 21:00-da start göürəcək.
ABDULLA İSMAYILOĞLU
