Sport24.az
"Avrokuboklarda ilk oyunlar həmişə ağır olur. Tərəflər maksimum ehtiyatlı oyunla uğur qazanmağa fokuslanır". Bu sözləri Sport24.az-a açıqlamasında İlham Yadullayev deyib.
U-17-nin baş məşqçisi "Linkoln" - "Qarabağ" matçı barədə fikirlərini böıüşüb, şansları dəyərləndirib: "Qarabağ" çempionat bitəndən sonra rəsmi oyun keçirməyib. "Linkoln" isə artıq ÇL-in ilk turunda çıxış edib, mərhələ adlayıb. Rəqibin evdə oynaması da müəyyən qədər onların xeyrinədi. Amma unutmayaq ki, "Qarabağ"ın böyük avrokubok təcrübəsi var. "Süvarilər" yaxşı təlim-məşq keçib. Fikrimcə, bu gün səfərdə baş tutacaq oyunda Ağdam klubu rəqibi üstələməklə mərhələ keçmək yönündə inamlı addım atacaq".
Qeyd edək ki, bu gün keçiriləcək "Linkoln" - "Qarabağ" matçının start fiti Bakı vaxtı ilə 20:00-da səslənəcək.
ABDULLA İSMAYILOĞLU
