Sport24.az
"Yeni mövsümə hazırlaşırıq. Məşqlərimiz davam edir. Avqustun 13-dən 23-nə qədər Qəbələdə təlim-məşq toplanışı keçmişik". Bu sözləri Sport24.az-a açıqlamasında Birinci Liqada mübarizə aparan MOİK-in yeni baş məşqçisi İlham Yadullayev deyib.
Ordu klubunun çalışdırcısı növbəti mövsümdə Birinci Liqanın gərgin keçəcəyini bildirib:
"Qəbələdəki toplanışı başa vurandan sonra yoldaşlıq matçları keçirmişik. Demək olar ki, yeni komanda qurmuşuq. Ötən ilki heyətdən qalan futbolçularımızla yanaşı, yeni transferlərimiz də var. Komanda 60-70 faiz yenilənib. Kollektivi komplektləşdirmişik. Bu üzdən yeni transferlər gözlənilmir. Rəhbərlik qarşımıza hədəf qoyub. Oyundan-oyuna məqsədə doğru irəliləyəcəyik. Hədəfimiz nədir? Bu barədə danışmaq istəmirəm. Çempionatın gedişində açıqlama verərik. Birinci Liqaya yüksələn yeni komandalar var ki, onlar da çempionata rəng qatacaq. Bizi qarşıda çox maraqlı və gərgin mövsüm gözləyir".
Qeyd edək ki, MOİK 2024/25 "futbol ili"ni 6-cı pillədə başa vurub.
