Sport24.az
U-17 millisinin baş məşqçisi İlham Yadullayev Sport24.az-a müsahibə verib. 49 yaşlı mütəxəssis martın 19-da Albaniyada start götürəcək Avropa çempionatının seçmə mərhələsindən öncə komandasının durumunu dəyərləndirib, rəqiblər barədə danışıb.
- Bir neçə gündən sonra Avropa çempionatının seçmə mərhələsi start götürəcək. Albaniyada üz-üzə gələcəyiniz rəqiblər barədə fikirlərinizi bilmək istərdik....
- B qrupunda rəqiblərimiz Albaniya və Uels yığmalarıdı. Bizim qrupda 3, digərlərində isə 4 komanda olacaq. İlk oyunumuz Albaniya millisinə qarşı olacaq. Rəqibimizi analiz etmişik. Onlara qarşı yoldaşlıq oyunu oynamışıq. Aqressiv və topla oynamağı sevən komandadı. İkinci oyun Uelsə qarşıdır. Fiziki cəhətdən üstünlük onlar tərəfdə olsa da, topla o qədər də yaxşı deyillər. Bu üzdən hər iki oyuna fərqli hazırlaşacağıq.
- Bu yaxınlarda Belarusda UEFA-nın inkişaf turnirində iştirak etdiniz. Minskdə təşkil olunan turnirin qarşıdakı oyunlara nə dərəcədə faydası olacaq?
- Artıq iki ildir həmin turnirə qatılırıq. Son bir ildə gördüyümüz işləri orda müşahidə edə bildik. Fikrimcə, turnirdə heç də pis çıxış etmədik. Futbolçularda taktiki və istək cəhətdən artım var.
- Artıq optimal heyəti müəyyənləşdirə bilmisiz?
- Belarusda artıq optimal heyətə bağlı ümumi fikir formalaşıb. Sadəcə, kapitanımız Tuncay Əhmədov xəstələnmişdi, oyunlarda iştirak etmədi. Müdafiədə bir az dəyişiklik ola bilər.
