İlham Yadullayev: "4 oyuna 1 xal acınacaqlıdır"

"Şəfa"nı təbrik edirəm. Tək bu oyuna yox, bütün matçlara ciddi hazırlaşırıq. Rəqib geridə qalan 3 turda maksimum nəticə verib, qapısında qol görməyib".

Bu sözləri Sport24.az-a açıqlamasında Birinci Liqa təmsilçisi "Ordu"nun bas məşqçisi İlham Yadullayev deyib.

49 yaşlı mütəxəssis komandasının Liqanın 4-cü turunda lider "Şəfa"ya 4:1 hesablı məğlubiyyətini şərh edib:

"Bilirdik ki, həm müdafiədə, həm də hücumda möhkəm komandadır. Matçın ilk dəqiqələrində qapımızda qol gördük. Ondan sonra futbolçular oyundan qopmadılar, cavab qolunu vurduq. Birinci hissənin sonlarında qırmızı vərəqə aldıq. Vərəqədən sonra dəyişiklər edib müdafiədən oynamaq istədik. Alınmadı, məğlub olduq. 4 oyuna 1 xal acınacaqlıdır. Bu, bizə də xoş deyil. Çempionata yaxşı hazırlaşmışdıq. Futbolçular 3 oyunda maksimum nəticə qazanmağa köklənmişdi. Müdafiədə buraxdığımız səhvlərə görə məğlub oluruq. Çalışırıq oyunu çevirib qələbə qazanaq, o da müdafiədə boşluqlara gətirib çıxarır. Hardasa şans da biz tərəfdə deyil. Hər oyundan sonra futbolçularla danışıb, öz oyunumuzu analiz edirik. Uşaqları psixoloji durumdan çıxartmaq üçün dəstək oluruq. Futbolçular da istədiyimizi yerinə yetirirlər. Dediyim kimi, şanssızlıq və son oyunda aldığımız qırmızı vərəqə planlarımızı pozdu. Növbəti turda rəqibimiz "Cəbrayıl"dı. Çempionatda fasilə olacaq, hazırlaşmaq üçün kifayət qədər vaxtımız var. Bu durumla razılaşmırıq. Çalışacağıq ilk qələbəmizi qazanaq".

Qeyd edək ki, "Ordu"nun Birinci Liqanın 4-cü turundan sonra aktivində 1 xal var.