Sport24.az
A Seriyasının iki klubu "Liverpul"un vingeri Federiko Kyeza ilə maraqlanır. Sport24.az xəbər verir ki, bu barədə insayder Nikolo Skira "X" sosial media hesabında paylaşım edib.
Mənbənin sözlərinə görə, cinah oyunçusu "Liverpul"da qalmaq istəyir. Ancaq "qırmızılar"ın heyətində yetərincə şans qazanmayan 28 yaşlı futbolçu son qərarını verməyib. Bir müddət əvvəl mətbuatda "Roma" və "Napoli"nin italyan oyunçu ilə maraqlandığı bildirilirdi.
Qeyd edək ki, Kyeza bu mövsüm bütün turnirlərdə 18 oyunda meydana çıxıb, 2 qol vurub və 3 məhsuldar ötürmə edib. Onun klubla hazırkı müqaviləsi 2028-ci ilin yayına qədərdir.
