Idman.biz
"Qalatasaray"ın argentinalı hücumçusu Mauro İkardi "cimbom" azarkeşlərin qəzəbinə tuş gəlib.
İdman.Biz "Milliyet" nəşrinə istinadən xəbər verir ki, milli komandaların oyunlar üçün verilən fasilədən istifadə dən İkardi birbaşa Argentinaya yollanıb. O, sevgilisi Çina Suareslə birlikdə film təqdimatında da görünüb.
Belə ki, hücumçu bir neçə gün əvvəl baş məşqçi Okan Burukla əlaqə saxlayaraq icazəsinin müddətini 10 günə qədər artırıb.
Fernando Musleranın gedişindən sonra "Qalatasaray"da kapitanlığa gətirilən İkardinin bu davranışı klub azarkeşləri tərəfindən tənqid olunub. Xüsusən Osimhenin zədəsi fonunda komandanın kapitani olan İkardinin bu addımı "Qalatasaray" ictimaiyyətində mənfi qarşılanıb.
