Sport24.az
AFFA İntizam Komitəsinin iclası keçirilib. Sport24.az xəbər verir ki, toplantıda II Liqanın XXIII turunun oyunları ilə bağlı aşağıdakı qərarlar qəbul edilib:
"Sheki City" – "Kür-Araz" oyununun 81-ci dəqiqəsində "Kür-Araz" klubunun 3 nömrəli futbolçusu Eltun Həsənli ikinci sarıdan qırmızı vərəqə aldığı üçün 1 oyun cəzalansın, "Kür-Araz" komandası 50 manat cərimə edilsin (maddə 36.5);
"Sheki City" – "Kür-Araz" oyununa Təcili Tibbi Yardım avtomobili təyin edilmiş vaxtdan gec gəldiyinə görə "Sheki City" komandası 100 manat cərimə edilsin (maddə 72.4);
"Göygöl" – "Qusar" oyunu "Qusar" komandasının görüşə gec gəlməsi səbəbindən gec başladığı üçün "Qusar" komandası 150 manat cərimə edilsin (maddə 61.3);
"Göygöl" – "Qusar" oyununun 90-cı dəqiqəsində "Qusar" komandasının 21 nömrəli futbolçusu Orxan Qurbanlı təcavüzkar davranışa görə birbaşa qırmızı vərəqə aldığı üçün 4 oyun cəzalansın, "Qusar" komandası 300 manat cərimə edilsin (maddə 40.3);
"Hypers Guba" – "Dinamo" oyununda "Hypers Guba" komandasında 6 nəfər sarı vərəqə aldığı üçün "Hypers Guba" komandası 70 manat cərimə edilsin (maddə 37);
"Şəmkir" – "Araz Saatlı" oyununun 71-ci dəqiqəsində "Araz Saatlı" komandasının 44 nömrəli futbolçusu Ramiz Qasımov rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalansın, "Araz Saatlı" komandası 100 manat cərimə edilsin (maddə 41);
"Şəmkir" – "Araz Saatlı" oyununa Təcili Tibbi Yardım avtomobili təyin edilmiş vaxtdan gec gəldiyi üçün "Şəmkir" komandası 100 manat cərimə edilsin (maddə 72.4);
"Şəmkir" – "Araz Saatlı" oyunu bitdikdən sonra meydançaya kənar şəxslər daxil olduğuna görə "Şəmkir" komandası 80 manat cərimə edilsin (maddə 51.2);
"Şəmkir" – "Araz Saatlı" oyunu bitdikdən sonra "Şəmkir" klubunun azarkeşləri tərəfindən pirotexniki vasitədən istifadə edildiyinə görə "Şəmkir" klubu 150 manat cərimə edilsin (maddə 52.2);
