IFFHS reytinqi: Azərbaycan klublarının mövqeləri və Anna Baştanın bərpası

Klubların iyun ayı üçün dünya reytinqi açıqlanıb.

İdman.biz xəbər verir ki, IFFHS-in cədvəlində planetin 505 ən yaxşı komandası yer alıb.

Siyahıda Azərbaycanın da 4 klubu yer alıb.

"Qarabağ" 144,75 xalla dünyada 119-cudur. Ölkə çempionumuz ötən ayla müqayisədə 5 pillə geriləyib.

"Zirə" 95,75 xalla 232-ci mövqedə qərarlaşıb və ötən reytinqlə müqayisədə 1 rəqibini qabaqlayıb.

50 pillə irəliləyən "Sabah" 76 xalla 317-cidir.

Dünya reytinqində yer alan "Araz-Naxçıvan" 61,25 xalla 446-cıdır. Naxçıvan təmsilçisi 8 pillə önə keçib.

Qeyd edək ki, cədvələ 470 xalla "Real" (Madrid) başçılıq edir.

İdman.biz

Anna Başta

"Günüm xəstəxanalarda reabilitasiya mütəxəssisləri ilə keçir".

Bunu İdman.biz-ə Azərbaycan yığmasının qılıncoynadanı Anna Başta deyib.

Bir müddətdir reabilitasiya kursu keçən sablyaçı son durumunu açıqlayıb. O bildirib ki, artıq komanda ilə məşqlərə başlayıb: "Bir neçə həftədir reabilitasiya mərhələsindəyəm. Komandaya qoşulmuşam, artıq məşqçimizlə işləyirəm".

Başta bərpa prosesini tez zamanda tamamlamaq üçün əlindən gələni etdiyini vurğulayıb: "Bu il istirahət edə bilmirəm. Hamı məzuniyyətdə olanda mən hazırlığın ən elementar mərhələsindəyəm. Burada protokola əməl etmək lazımdır. Hələlik harasa gedə bilmirəm. Təəssüf ki, peşəkar idmançılar üçün zədələr tam sağalmır, sadəcə onlarla yaşamağı öyrənmək lazımdır".

Qeyd edək ki, martda Yunanıstanda keçirilən Dünya kuboku zamanı ayağından zədələnən Başta əməliyyat olunub.

Aytac Sahəd
İdman.biz