Sport24.az
Ayxan Abbasovun U-21-in baş məşqçisi olacağı İcraiyyə Komitəsinin sabah keçiriləcək iclasında rəsmən təsdiq olunacaq. Bu barədə Sport24.az-a etibarlı mənbədən məlumat daxil olub.
Artıq Abbasovun iki köməkçisinin adı da məlumdu. Elnur Çovdarov və qapıçılar üzrə məşqçi Kamil Qafarov "Şamaxı"da olduğu kimi U-21-də də Ayxan bəyin məşqçilər korpusunda təmsil olunacaqlar.
U-21-in yeni baş məşqçisi ilə imzalanacaq müqavilənin bəzi detalları da müəyyənləşib. Əldə olunan razılığa əsasən Abbasov iki seçmə mərhələdə ümid yığmasının "sükanı arxasında" olacaq.
Qeyd edək ki, bu barədə məlumatı ilk dəfə Sport24.az saytı yayıb.
