Sport24.az
Maksimilian İbrahimoviç atası Zlatanın yolunu davam etdirərək karyerasını "Ayaks"da davam etdirəcək. Sport24.az İtaliya mediasına istinadən xəbər verir ki, "Milan" 19 yaşlı hücumçunu Amsterdam klubuna icarəyə verəcək.
Tərəflər müqavilənin müqavilənin bütün detalları barədə razılığa gəliblər və tezliklə sənədləri mübadilə edəcəklər. İcarə mövsümün sonuna qədər qüvvədədir və 3,5 milyon avroluq mümkün transfer bəndi ilə anlaşma imzalanıb. "Milan" həmçinin oyunçunun sonrakı satışlarından müəyyən faiz əldə edəcək.
Qeyd edək ki, oğul İbrahimoviç 2022-ci ildən "qırmızı-qaralar"ın formasını geyinir. O, D Seriyasında 16 oyunda beş qol vurub və dörd məhsuldar ötürmə edib. "Rossoneri"nin gənclər komandası ötən mövsüm C Seriyasını tərk edib.
