Sport24.az
"Milan"ın məsləhətçisi Zlatan İbrahimoviç vəzifəsinin çətinliklərindən danışıb. Sport24.az xəbər verir ki, o, rəsmi geyim tərzinə dözə bilmədiyini deyib:
"Əvvəlcə komandaya söz vermişdim ki, məni heç vaxt kostyum və qalstukda görməyəcəklər. Ancaq hər şey tez dəyişdi. Mən kostyum geyinməyi xoşlayıram? Yox! Bunu etiraf edirəm. Özümü narahat hiss edirəm. Mən idmançıyam. Amma nə vaxt istədiyim kimi geyinmək istəsəm, həyat yoldaşım Helena deyir: "Bu gün kostyum geyinməlisən". Səbəbini soruşuram. O isə deyir: "Çünki mətbuat konfransınız var. Odur ki, qalstuk tax və sus". Amma başa düşürəm ki, mən öz roluma hazırlaşıram. Bu gün mən "Milan"ı təmsil edirəm".
Zlatan İbrahimoviç futbolçu karyerasını 2023-cü ilin yayında başa vurub. O, həmin ilin dekabrında klubun məsləhətçisi təyin olunub.
