Idman.biz
"Komandamı təbrik edirəm. Rəqiblərimizin hamısına hörmətlə yanaşırıq. Hamısı bizimlə mübarizə aparmaq üçün əllərindən gələni edirlər".
Bu sözləri "Xankəndi"nin baş məşqçisi İbrahim Uzunca deyib.
Təcrübəli mütəxəssis komandasının İkinci Liqanın 9-cu turunda "Göygöl"ə qalib gəldiyi oyunu şərh edib:
"Matçın müəyyən vaxtı yaxşı oynasaq da, bəzən istədiklərimizi yerinə yetirə bilmirdik. Oyun zamanı komandam da istəksizlik və yorğunluq gördüm. Bunu özümüz aradan qaldırmağa çalışacayıq. Rəqibimiz nisbətən zəif olsa da, onlara qarşı daha ciddi olmalıyıq. Hesab arasındakı fərq daha çox olmalı idi. Növbəti turda "Kür-Araz"la qarşılaşacıq. Həmin matça qədər səhvlərimizi düzəltməliyik. Meydan qələbə ilə ayrılmaq istəyirik", - deyə sport24.az-a açıqlamasında deyib.
Qeyd edəki ki, "Xankəndi" "Göygöl" matçı meydan sahiblərinin 3:0 hesablı qələbəsi ilə başa çatıb.
