Sport24.az
"İki çempionluğa oynayan komandanın oyunu idi. Hesab 0:0 olanda yaratdığımız qol şanslarından istifadə edə bilmədik". Bu sözləri Sport24.az-a açıqlanmasında İkinci Liqa təmsilçisi "Xankəndi"nin baş məşqçisi İbrahim Uzunca deyib.
Təcrübəli mütəxəssis komandasının liqanın 5-ci turunda "Qaradağ Lökbatan"a məğlubiyyətini şərh edib:
"Matçın qırılma nöqtəsi boş qapıya qol vura bilməməyimiz oldu. Rəqib isə səhvimizdən maksimum yararlanıb fərqləndi. Komanda iki ildir yaranıb. Tarixdə ilk dəfə məğlub oldu. Sadəcə, yoldaşlıq oyununda "Səbail"ə uduzmuşduq. Liqada çempionluğa oynayan komandalardan biriyik. Türkiyədə olduğuma görə, "Quba" ilə kubok matçında komandanın yanında ola bilmədim. Məşqlərdə olduğuma görə bunun komandanın "Qaradağ Lökbatan"la oyununa təsir etdiyini düşünmürəm. Bir məğlubiyyətlə heç nə bitməyib. Çempionat uzun marafondu. Çempion olmağa kifayət qədər gücümüz var. İnşallah, bunu bacaracağıq. Artıq "Qaradağ Lökbatan"a məğlubiyyəti unutmuşuq. Dediyim kimi, iki ildir yaranan "Xankəndi" ilk dəfədir məğlub olur".
Qeyd edək ki, "Qaradağ Lökbatan" "Xankəndi" matçı meydan sahiblərinin 2:0 hesablı qələbəsi ilə başa çatıb.
