Idman.biz
"Yeni mövsümə hazırlığımız ən üst səviyyədə davam edir. Futbolçuların məşqdəki performansından, yeni mövsümə hazırlığından tam məmnunuq".
İdman.biz xəbər verir ki, bu sözləri Sport24.az-a açıqlamasında "Xankəndi"nin baş məşqçisi İbrahim Uzunca deyib.
O, mövsümöncəsi hazırlıq planlarından da danışıb: "Yeni mövsümdə hədəfimiz çempionluqdur. Çempion olmaq üçün çox çalışmağımız lazımdır. "Xankəndi"ni adını layiq olan yerə daşımaq üçün çox əmək sərf etməliyik. İnşallah, komanda olaraq bu hədəfə çatacağıq. Futbolçulara güvənirik. Heyətdə ötən mövsümdən və yeni transfer etdiyimiz oyunçular var. Hər hansı sıxıntımiz yoxdur. Növbəti mövsüm Birinci Liqaya, ondan sonra Premyer Liqaya çıxmağı düşünürük. "Xankəndi"nin adını Avropada eşitdirmək istəyirik. 4 yoxlama oyunu keçirmişik. Rəqiblərimiz Birinci Liqadan olan komandalar oldu. Bu da bizə böyük bir təcrübə bəxş etdi. Yeni və köhnə futbolçularla yaxşı heyət qurmuşuq. Bunun bəhrəsini növbəti mövsüm görəcəyik".
Qeyd edək ki, "Xankəndi" ötən mövsüm Region Liqasında çempion olaraq, II Liqada iştirak etmək hüququ qzanıb.
İdman.biz
