Idman.biz
"2:0 hesabını qoruya bilmədik, bu, komanda problemidir".
Bunu sportnet.az-a açıqlamasında "Qəbələ"nin futbolçusu İbrahim Sanqare Misli Premyer Liqasının VIII turu çərçivəsində "İmişli" ilə oyunu şərh edərkən deyib.
Legioner oyunun çətin keçdiyini bildirib: "2 xal itirdik. 2:0 hesabından 2:2 bərabərliyi qəbul etmək bizim üçün asan olmadı. Düşünürəm ki, çoxsaylı imkanlarımızı dəyərləndirə bilmədik. Hücumda fəal idik, amma son nöqtəni qoya bilmədik. Bu səbəbdən 2 vacib xal itirdik".
Sanqare meydanla bağlı problem yaşadıqlarını vurğulayıb: "Burada oynamaq da kifayət qədər çətin idi – meydanın vəziyyəti yaxşı deyildi, bu da oyunumuzu xeyli çətinləşdirdi. Bu gün hücum xəttimizdə problemlər var idi. Qol vura bildik, amma hesabı qoruyub saxlaya bilmədik. Bu, ümumilikdə komanda problemi idi. Biz hər oyuna yalnız qələbə üçün çıxırıq. Qarşıda bir həftə vaxtımız var toparlanmaq üçün və növbəti oyunda daha yaxşı çıxış edib qalib gəlməyə çalışacağıq".
