Sport24.az
"Son oyunumuz idi deyə "Qaradağ Lökbatan"a qalib gəlmək istəyirdik. Öz səhvimizdən qol buraxdıq və qapımıza olmayan penalti təyin olundu. Sonradan çətin olsa da, qollar vura bildik. Epizodları dəyərləndirsəydik, fərqli ola bilərdi". Bu sözləri Sport24.az-a açıqlamasında"Karvan"ın futbolçusu İbrahim Qədirzadə deyib.
O, "Karvan"ın elitaya vəsiqə qazanandan sonra ardıcıl xallar itirməsinin səbəbini açıqlayıb:
"Son görüşlərdə mövsümboyu meydana az çıxanlara şans verilir. İtkilərimiz də var. Heyətimiz geniş deyil deyə, çətinlik olur. Bütün matçlara ancaq qələbə üçün çıxırıq. Liqada ikinci yeri tutmaq üçün son şansdı. "Mingəçevir"ə mütləq qalib gəlməliyik. Gümüş medal qazanmaq üçün "İmişli" də xal itirməlidir".
Qeyd edək ki, "Karvan" 26-cı turda "Qaradağ Lökbatan"la 2:2-lik heç-heçəyə razılaşıb.
