Sport24.az
"Toplanış plan üzrə davam edir. Yoxlama oyunlarımız olacaq. İnşallah, mövsümün ikinci hissəsində daha yaxşı olacayıq". Bu sözləri Sport24.az-a açıqlamasında "Karvan-Yevlax"ın futbolçusu İbrahim Qədirzadə deyib.
26 yaşlı futbolçu komandasının qış fasiləsindəki hazırlığından danışıb:
"Füzuli müəllim gələndən sonra komandada istək artıb və əzmkarlıq hiss olunur. Çempionatda yaranan fasilə bizim xeyrimizə olacaq. Hazırkı heyət çempionatda qalmağa kifayət edir. Böyük ehtimalla, yeni tranferlər də olacaq. Rəqiblərimizlə aramızda böyük xal fərqi yoxdur. Sonuncu pillədə xilas olacağımıza inanıram. Birlikdə bu durumdan çıxacayıq. Az oynamağım məşqçinin qərarıdı. Mən üzərimə düşən işi görürəm. Nə qədər etimad göstərsələr komandama fayda verəcəm".
Qeyd edək ki, "Karvan-Yevlax" 16 turdan sonra 6 xalla sonuncu-12-ci pillədə qərarlaşıb.
