Sport24.az
"Bakıya gəldik və böyük hesabla üzüldük. Məyusuq. Amma unutmayaq ki, "Qarabağ" hazırda Avropanın güclüləri sırasındadı. Bu komanda ilə ötən mövsümdə "Bayer" kimi nəhəng klub güclə bacardı. Odur ki, cavab matçı üçün ölkənizə gələrkən məğlubiyyəti göz önünə almışdıq. Sadəcə, qapımızda çox qol görərək darmadağın olmaq istəmirdik. Təəssüf ki, qapımızda 5 cavabsız qol gördük". Bu sözləri Sport24.az-a açıqlamasında "Linkoln"un futbolçusu İbrahim Ayu deyib.
Cəbəllütariq təmsilçisinin futbolçu Bakıya səfərdən və komandasının qarşısına qoyulan hədəfdən də danışıb: "Bakıya ikinci səfərimdi. Şəhəriniz çox xoşuma gəlir. Səmimi deyim ki, Bakını sevirəm. Ümid edirəm ki, yenə bu şəhərə gələcəm. Çempionlar Liqasında macəramız bitdi. İndi Avropa Liqasında davam edəcəyik. Biz əksər Avropa klublarıyıa müqayisədə gəncik. Amma buna rəğmən əlimizdən gələnin ən yaxşısı etməyə çalışırıq".
Qeyd edək ki, "Linkoln" Çempionlar Liqasında "Qarabağ"a yenilərək mübarizəni Avropa Liqsında davam etdirəcək.
ABDULLA İSMAYILOĞLU
