Sport24.az
"Səbail"in qapıçısı Hüseynəli Quliyevin Sport24.az-a müsahibə verib.
- "Araz Naxçıvanl"a oyundan bir xalla ayrıldınız. Matçla bağlı fikirlərini bölüşərdin...
- "Araz Naxçıvan"ın çox yaxşı komandadır. Oyuna yaxşı hazırlaşmışdıq, qələbə qazanmaq üçün şansımız da var idi, ancaq fürsətlərdən yararlana bilmədik. Düşünürəm ki, 1 xal da bizim üçün önəmli idi.
- Qış fasiləsindən sonra əsas heyıtdə az-az görünürsən. Səbəbini bilmək istərdik...
- Futbolda yüksəliş də olur, eniş də. Məşqçimizin verdiyi şansdan yararlanmağa çalışıram. Bundan sonra da əlimndən gələnin ən yaxşısını etməyə çalışacam.
- Kuboku da nəzərə alsaq, komandanız 4 oyundur qol vura bilmir. Problem nədədir?
- Məncə, ardıcıl yaxşı müdafiə olunan komandalara qarşı oynadıq deyə bu cür statistika oldu. Əslində bu matçlarda da qollar vura bilərdik.
- Hazırda turnir cədvəlində "Kəpəz"dən bir xal geri qalırsınız. "Səbail"in Premyer Liqada qalmaq şansını necə dəyərləndirirsiniz?
- "Kəpəz"in 1 xal geri olmağımız üstümüzdə təzyiq yaratmır. Premyer Liqada qalacağımıza hər birimiz inanırıq. Bütün səylərimiz də bu yöndədir.
- Qarşıda sizi "Qarabağ"la kubok, "Şamaxı" ilə çempionat oyunu var. Gözləntilərin necədir?
- Meydana çıxdığımız hər bir oyunda əlimizdən gələni edəcəyik. Çox güclü "Qarabağ"a qarşı kubok, ardınca isə yaxşı təşkilatlanmış, yaxşı futbol sərgiləyən "Şamaxı"ı ilə oyun var. Bu matçlara maksimum köklənmək lazımdır ki, sərfəli nəticələr qazana bilək.
