Sport24.az
"Qələbə qazandığımız üçün çox xoşbəxtik". Bu sözləri Spor24.az-a II Liqada çıxış edən "Xankəndi"nin futbolçusu Hüseyn Hüseynli deyib.
Oyunçu XI turda "Şirvan"ı 5:1 hesabı ilə məğlub etdikləri matçla bağlı fikirlərini bölüşüb:
"Qışadək son dörd oyunumuz qalmışdı. Artıq birinin öhdəsindən gələ bildik. Qarşıda üç ağır oyunumuz var. Bunların hamısında qələbə qazanıb qış çempionu olmaq istəyirik. "Şirvan"la matçda ən yaxşı oyunlarımızdan birini sərgiləyə bildik. Hesab da bunu təsdiqləyir".
O, qollardan birinə imza atdığı üçün şad olduğunu bildirib: "Hər matçda daha da inkişaf etmək niyyətindəyik. Bu mövsüm bir hədəfimiz var. Ona nail olmağa çalışacağıq.
Futbolçu "Quba" ilə səfər oyununun ağır keçəcəyini deyib: "Rəqib çox yaxşı kollektivdir. Çempionatın əvvəllərində bir sıra problemlər yaşayıblar. Amma hazırda yaxşı heyətləri var. Son görüşdə 4:1 hesablı qalibiyyət əldə etdilər. Sübut etdilər ki, bu yoldan dönməyiblər. Biz növbəti qarşılaşmada da əlimizdən gələni edəcəyik. Qalib gələcəyimizə inanıram".
