Idman.biz
"Mançester Siti"nin hücumçusu Erling Holand "Əl-Nəsr"dən Kriştianu Ronaldu və "İnter Mayami"dən Lionel Messinin karyerasının uzunömürlülüyünə heyranlığını bildirib.
İdman.Biz xəbər verir ki, Holand hər iki futbolçunun planetdəki bütün digər futbolçulara nümunə olduğunu qeyd edib.
"Düşünürəm ki, bu planetdəki hər bir futbolçu üçün Kriştianu və Messi ən yaxşı liqalarda 15 il ən yüksək səviyyədə oynamaq üçün nə lazım olduğunun nümunələridir. Hər ikisi ilhamvericidir. Kriştianu bizə karyerası haqqında bir az daha çox danışmış ola bilər. Görün, o, bədəninə necə qulluq edir! Bu, möhtəşəmdir. Onun 40 yaşı var, hələ də ən yüksək səviyyədə oynaya bilməsi inanılmazdır. Bunu bacardığına görə ona hörmət edirəm. Bu, asan deyil", - deyə Holand ESPN-ə bildirib.
