Idman.biz
Norveç millisinin və "Mançester Siti"nin hücumçusu Erlinq Holand milli komandada üzərində olan gözləntilər və təzyiq barədə fikirlərini bölüşüb.
İdman.Biz xəbər verir ki, klubun rəsmi saytına açıqlamasında Holand norveçli azarkeşlərin gözləntilərinin təbii olduğunu bildirib.
"Hamı bunu gözləyirdi. Açıq deyim: əgər Norveçdə yaşayan norveçli futbol azarkeşi olsaydım və Erlinq Holand millidə oynasaydı, ondan bizi dünya çempionu etməsini gözləyərdim. Bu, çox sadədir. Biz buna uzun yol gəldik və nəhayət buna nail olduq - dünya çempionatına vəsiqə qazandıq. Bu, inanılmaz idi. Ümid edirəm ki, bu, xüsusi bir şeyin başlanğıcıdır. İndi əla nəsil formalaşıb, çoxlu gənc oyunçu var və biz birlikdə möhtəşəm ola biləcək bir şey qururuq", - deyə Holand bildirib.
Qeyd edək ki, 2026-cı il dünya çempionatında Norveç yığması bir qrupda Fransa, Seneqal və qitələrarası pley-off oyunlarının qalibi (Boliviya / Surinam / İraq) ilə mübarizə aparacaq.
