Sport24.az
"Hoffenhaym" "Lion"un nigeriyalı forvardı Qift Orbanı 12 milyon avroya transfer edib. Sport24.az xəbər verir ki, Almaniya klubu transfer haqqı 9 milyon avro və bonuslar üçün 3 milyon avro ödəniş edib. Orban 2029-cu ilin iyununa qədər müqavilə imzalayıb.
"Hoffenhaym", 2023-cü ilin yanvarında Belçika Pro Liqası klubu "Gent"dən "Lion"a qoşulan 21 yaşlı futbolçunun xidmətlərini təmin etmək üçün rəqibi Liqa 1 təmsilçisi "Lens"i məğlub edib. Orbanın "Lion"dakı dönəmi qeyri-sabitliklə yadda qalıb. Futbolçu ilk mövsümündə 13 liqa matçında cəmi bir qol vurub. Bununla belə, o, Fransa Kubokunda üç oyunda iki qol vuraraq öz potensialını nümayiş etdirib.
Bu mövsüm o, ilk görünüşündə dramatik təsir bağışlayıb. "Stazburq"la qarşılaşmada oyuna sonradan daxil olaraq 9 dəqiqə ərzində 2 qol vurmaqla, "Lion"un qələbəsində əsas pay sahibi olub.
