Idman.biz
"Mançester Yunayted" azarkeşləri Rasmus Heylundun A Seriyasında "Fiorentina"ya qarşı oyunda "Napoli"nin heyətində debüt qolunu vurmasından sonra məyusluqlarını gizlətməyiblər.
İdman.biz xəbər verir ki, Danimarkalı hücumçu millidə Yunanıstana qarşı (3:0) oyunda fərqləndikdən sonra ardıcıl ikinci matçda qol sevinci yaşayıb.
Bu dəfə o, Leonardo Spinazzolanın ötürməsindən sonra David de Xeanı soyuqqanlılıqla mərkəzdən məğlub edərək Kevin de Bröynenin erkən penaltisindən sonrakı üstünlüyü 2:0-a çatdırıb. Nəticədə italiyalılar görüşü qələbə ilə başa vurublar, Heylundun debütü isə böyük rezonans doğurub.
"Yunayted" fanatları sosial şəbəkələrdə kəskin reaksiya göstəriblər: "Heylund debütdə qol vurur? Biz lənətlənmişik", "Deməli, problem "Mançester Yunayted"də imiş".
Bəzi azarkeşlər vəziyyəti klubun yeni transferi Benjamin Şeşko ilə müqayisə ediblər. O, hələ özünü göstərə bilməyib.
Qeyd edək ki, bu həftə Heylund və "Napoli"ni ciddi sınaq gözləyir – Çempionlar Liqasında "Etihad"da "Mançester Siti"yə qarşı oyun. Daha bir qol isə "Yunayted"in rəhbərliyinə yönələn tənqidləri daha da gücləndirə bilər.
