Idman.biz
"Xoşbəxtik. Sevinirik ki, 4 qol vurduq, qol buraxmadıq. Hazırda bu nəticədən sonra komandamız vəziyyətdədir. Amma heç nə tamamlanmayıb, evdə oynamalıyıq.
İdman.biz xəbər verir ki, bunu Konfrans Liqasının III təsnifat mərhələsinin ilk matçında "Araz-Naxçıvan"ı 4:0 hesabı ilə məğlub edən "Omoniya"nın baş məşqçisi Henninq Berq deyib.
O, komandasının müdafiədəki oyunundan razı qalıb: "İşimizi orada tamamlamalıyıq. Bu oyunda komandamız yaxşı idi. Müdafiə olunanda yaxşı işlədik. Komandanın performansından və nəticədən razı qaldım. "Qarabağ"la qarşılaşanda səfərdə heç-heçə onamışdıq. Patrik Andrade də orada oynayırdı. "Qarabağ" daha təcrübəli idi, "Araz-Naxçıvan" yeni qurulan komandadır. 1-2 oyunla müqayisə aparmaq çətindir. 3-4 il vaxt keçib. "Araz-Naxçıvan" yaxşı oyun nümayiş etdirir. "Aris"ə qarşı çox yaxşı çıxış etdilər, inamlı qələbə qazandılar. Bu gün bizim qələbəmiz asan olmadı. Sadəcə qollarımızı vurduq. Müdafiədə uğurlu çıxış etdik və "Araz-Naxçıvan"ın işini çətinləşdirdik".
İdman.biz
