Sport24.az
19 yaşadək qadın futbolçulardan ibarət Azərbaycan millisi Avropa çempionatının seçmə mərhələsində ikinci oyununu keçirib. Sport24.az xəbər verir ki, B Liqasının V qrupunda yer alan yığmamız Estoniya ilə qarşılaşıb.
İlk turda İsveçrə qarşısında darmadağın olan (0:8) millimiz bu dəfə də meydandan xalsız ayrılıb. Həbib Ağayevin yetirmələri bu matçda da böyük hesabla yenilib – 0:3.
Qeyd edək ki, qrupun digər görüşündə Kipr və İsveçrə qarşılaşıb. Sonuncular 3:0 hesabı ilə qalib gəliblər.
Avropa çempionatının seçmə mərhələsi
B liqası, V qrup
II tur, 29 noyabr
Estoniya (U-19) - Azərbaycan (U-19) – 3:0
Baş hakim: İfleoma Kulmala (Finlandiya)
Qollar: Annamari Tamm, 11, Anjelika Yotkina, 63, Eqle-Elis Kurq
"Kouklia Community" stadionu
| 1 | İsveçrə | 2 | 2 | 0 | 0 | 11-0 | 6 |
| 2 | Estoniya | 2 | 2 | 0 | 0 | 6-0 | 6 |
| 3 | Kipr | 2 | 0 | 0 | 2 | 0-6 | 0 |
| 4 | Azərbaycan | 2 | 0 | 0 | 2 | 0-11 | 0 |
