Idman.biz
"İkinci hissədə təzyiq altında idik. Çoxlu gənc futbolçu ilə meydana çıxmışdıq. Oyunu istədiyimiz kimi nəzarətdə saxlaya bilmirdik. Lakin rəqibin də real şansları yox idi".
İdman.biz Teleqraf-a istinadən xəbər verir ki, bunu Xorvatiya "Hayduk"unun baş məşqçisi Qonsalo Qarsiya evdə "Zirə"ni əlavə vaxtda 2:1 hesabı ilə məğlub etdikləri UEFA Konfrans Liqasının II təsnifat mərhələsinin cavab görüşündən sonra mətbuat konfransında deyib.
42 yaşlı mütəxəssis Azərbaycan təmsilçisinin çox yaxşı oyunçulara malik olduğunu bildirib: "Rəqib fiziki cəhətdən möhkəm komandadır. Demək olar ki, bütün birəbir mübarizələri uduzurduq. Bəli, Marko Livaya bir çox situasiyalarda sərbəst qalırdı, lakin həlledici ötürmələrdə və asmalarda yaxşı deyildik. İtkilərimizin olması üzündən meydanda təzyiq altında qalırdıq. Toparlanmalı idik, əks halda, pis olacaqdı. Oyunu daha erkən bitirmək lazım idi. Çətin olacağını bilirdik, amma oyun vaxtı bu dərəcədə gərginliyin olacağını durmamışdım. Bəzi məqamlarda qəzəblənirdim".
Qarsiyanın sözlərinə görə, oyunun əsas vaxtı bitdikdən sonra oyunçular yorğun və stres içində olublar: "Əlbəttə, ağır idi. "Polyud" stadionu inanılmazdır, lakin insanlar çox şey gözləyirlər. Gənc oyunçular bunu hiss edirlər. Fasilədə futbolçularıma dedim ki, müəyyən epizodlara yaxşı yanaşırıq, azarkeşlər meydanda nə isə görəndə bunu dəyərləndirirlər. Dözümlü olmağımızın gərəkliyini və qol vəziyyətlərimizin yaranacağını da söylədim. Zaman-zaman yaxşı olurduq. Çox şeyi daha da yaxşılaşdırmalıyıq. Oyunçularıma dedim ki, daim qələbə basqısı altında qalmaq lazım deyil, meydanda vəziyyəti nəzarətdə saxlayacağıq. Komanda hələ formalaşmayıb. Rəqabətədavamlı olmaq istəyiriksə, güclənməliyik".
Qeyd edək ki, "Zirə" Bakıdakı ilk matçda "Hayduk"la heç-heçə edib - 1:1. Cavab görüşündə də eyni nəticə qeydə alındığı üçün əlavə vaxt oynanılıb.
İdman.biz
