Sport24.az
"Bavariya"nın mərkəz hücumçusu Harri Keyn komandadan ayrıla bilər. Sport24.az xəbər verir ki, bu barədə "Sport Bild" məlumat yayıb.
Mənbənin sözlərinə görə, 32 yaşlı ingilis futbolçunun müqaviləsində 68 milyon avro qarşılığında sərbəst qalma bəndi var. Bildirilir ki, "Real" və "Barselona"nın bu bənddən istifadə edib hücumçunu "rənglərinə bağlamaq" istəyir.
Qeyd edək ki, Keyn "Bavariya"nın heyətində 104 matçda 100 dəfə fərqlənib. O, 100 qol həddinə dünən keçirilən "Verder"lə matçda çatıb. Hücumçu bu mövsüm bütün turnirlərdə 7 matçda 14 qol vurub və 3 məhsuldar ötürmə edib.
