Idman.biz
Almaniyanın "Bavariya" klubunun hücumçusu Harri Keyn "Kicker" jurnalının versiyasına görə "İlin şəxsiyyəti" mükafatına layiq görülüb.
İdman.Biz xəbər verir ki, mükafat Almaniya futbolunda ən seçilən simalara təqdim olunur və 1990-cı ildən etibarən verilir.
Qeyd edək ki, mükafat əvvəllər "İlin adamı" adı ilə tanınırdı.
Harri Keyn 2023-cü ilin yayında İngiltərənin "Tottenhem" klubundan "Bavariya"ya transfer olunub. İngilis hücumçu cari mövsümdə Almaniya Bundesliqasında 14 oyuna çıxaraq 18 qol vurub və 3 məhsuldar ötürmə edib. UEFA Çempionlar Liqasında 6 matçda 5 qolla yadda qalıb. Bundan əlavə, Almaniya Kubokunda 5 qol vuran futbolçu Superkubokda da bir dəfə fərqlənib.
Qeyd edək ki, Harri Keynin "Bavariya" ilə mövcud müqaviləsi 2027-ci ilin yayına qədər qüvvədədir. Bu göstəricilər onun Almaniya futbolunda niyə "İlin şəxsiyyəti" seçildiyini bir daha təsdiqləyir.
