Sport24.az
"Bavariya"nın hücumçusu Harri Keyn Çempionlar Liqasının 1/8 final mərhələsinin ilk oyununda "Bayer" üzərində inamlı qələbədən (3:0) danışıb. Sport24.az xəbər verir ki, ingilis forvard matçda dubla imza ataraq komandasının qələbəsində önəmli rol oynayıb:
"Növbəti mərhələ yönündə inamlı addım atdıq. Hamımız bilirik ki, "Bayer"lə problemlərimiz olub. Rəqib həqiqətən yaxşı komandadır.
İşin yarısı bitib, amma hər şey gələn həftə həll olunacaq. Həmin oyuna da bugünkü matç kimi yanaşmalıyıq. Son oyunlarda intensivliklə bağlı problemlər yaşadıq. Bu gün daha yaxşı oynadıq. Ümumiyyətlə, topa daha çox nəzarət etdik. Hətta oyunun sonlarında dördüncü qolu da vura bilərdik".
Qeyd edək ki, ingilis hücumçu Çempionlar Liqasının cari mövsümündə 10 oyunda 9 qol, 1 məhsuldar ötürmə edib.
