Sport24.az
"Barselona" UEFA Çempionlar Liqası yarımfinal mərhələsinin cavab oyunu çərçivəsində səfərdə "İnter"in qonağı olacaq. Sport24.az xəbər verir ki, Kataloniya təmsilçisinin baş məşqçisi Hans Flik matçdan öncə keçirilən mətbuat konfransında iştirak edib.
Alman mütəxəssis zədədən qayıdan Robert Levandovskinin start heyətində yer almayacağını deyib:
"Sabah Robert Levandovski start heyətində olmayacaq. Amma ehtiyacımız olsa, oyuna girə bilər. "İnter" çox güclü komandadır. Futbol oynamağı sevirlər. Mövsüm başlayanda bu günə qədər nələri bacaracağınızı heç kim təxmin edə bilməzdi. Artıq iki kobokumuz var. Futbol oynamaqdan zövq almaq istəyirik. Futbolçularımdan nə qədər yaxşı olduqlarını göstərmələrini istəyirəm. Çempionlar Liqasının finalına çıxmaq üçün əlimizdən gələn hər şeyi edəcəyik."
Qeyd edək ki, "İnter" - "Barselona" matçı sabah Bakı vaxtı ilə saat 23:00-da start götürəcək. Komandalar arasındakı ilk qarşılaşmada 3:3 hesablı bərabərlik qeydə alınıb.
