Idman.biz
Hans-Diter Flik emosional davranışından danışıb.
İdman.Biz bildirir ki, "Barselona"nın baş məşqçisi "Jirona"ya ilə oyunun sonunda qırmızı vərəqə alıb.
Flik Kataloniya klubunun onu daha emosional etdiyini deyib.
"Yadımdadır, "Bavariya"nı çalışdırarkən "Barselona"nı 8:2 hesabı ilə məğlub etdik, amma 8 qol vurduqdan sonra da gülümsəmədim. İndi mən daha emosionalam – bu klub məni tamamilə dəyişdi.
Bir şeyi deyə bilərəm: mən bu klubu sevirəm, "Barselona"nı sevirəm, yerliləri sevirəm – bu inanılmazdır. Və bu kluba hər şeyimi verirəm. Mən bu klub üçün yaşayıram.
Düzü, özümü televizorda görməyi sevmirəm, nəvəmin də məni belə görməsini xoşlamıram. Bəlkə də davranışımı yenidən nəzərdən keçirməliyəm", - "Barselona"nın baş məşqçisi deyib.
