Sport24.az
"Barselona"nın baş məşqçisi Hans-Diter Flik "Santos"un hücumçusu Neymarı Kataloniya klubuna qaytarmağın vacibliyindən əmin deyil. Sport24.az xəbər verir ki, bu barədə Sport.es məlumat yayıb.
Alman mütəxəssis onun fiziki hazırlığına və hazırkı performansına şübhə ilə yanaşır. Üstəlik, hazırda klub braziliyalı üçün rəsmi təklifi belə müzakirə etməyib ki, bu da rəhbərlik arasında konsensusun olmadığını təsdiqləyir.
Digər mühüm amil isə klubun maliyyə qeyri-sabitliyidir. "Barselona" hələ yay "transfer pəncərəsi" üçün büdcəsinin nə olacağını bilmir.
Qeyd edək ki, bir müddət əvvəl Neymarın əsas məqsədinin Barselonaya qayıtmaq olduğu bildirilirdi. Braziliyalının hətta aşağı maaşa razı olacağı da gəzən söz-söhbətlər arasındadır.
