Sport24.az
İslandiya millisinin futbolçusu Hakon Arnar Haraldsson DÇ-2026-nın seçmə mərhələsinin 5-ci turunun Azərbaycan yığması ilə matçından öncə keçirilən mətbuat konfransında iştirak edib. Sport24.az "Lill"də çıxış edən 22 yaşlı hücumameyilli yarımmüdafiəçinin fikirlərini diqqətinizə çatdırır:
- Bizim üçün çox vacib oyundur. Pley-off şanslarımızı saxlamaq üçün yaxşı nəticə qazanmalıyıq. Son matçımız Ukraynaya qarşı olacaq. Səbirsizliklə həmin oyunu gözləyirik. Bakı gözəl şəhərdir. İlk dəfədir buradayam.
- İlk matçdakı 5:0 hesablı qələbə sizin üçün arxayınlaşmaq baxımından təhlükəli ola bilər?
- Xeyr, qətiyyən ola bilməz. Azərbaycan millisi ilk oyundan sonra kifayət qədər inkişaf edib. Sabahkı matçda çox çətin mübarizə olacaq. Burada heç bir motivasiya əskikliyindən söhbət gedə bilməz. Sabah bizi çətin rəqib və çətin oyun gözləyir.
