Qol.az
"Atletik"in hücumçusu İnaki Uilyams Avropa Liqasının yarımfinal mərhələsinin "Mançester Yunayted"lə ilk oyunu (0:3) haqda danışıb.
QOL.az xəbər verir ki, o, görüşün referisi Espen Eskaasın qərarlarından narazı qaldığını bildirib:
"Düşünürəm ki, biz ən yaxşı oyunumuzu oynamaq istəyirdik. Elə rəqib də. Lakin məni şübhə altına alan bəzi məqamlar var. Penaltidən əvvəlki epizod Qarnaçonun əllə oyunu ilə başladı. Amma hakim bunu görmədi. Sonra onunla Vivian arasında mübahisə oldu və ən kiçik təmasda o yıxıldı. Bu vəziyyətdə isə təəssüf ki, hakim fit çaldı.
Çox aydındır ki, biz hərəkət edə bilmədik. Amma bəhanə axtarmaq istəmirəm. Hesab 0:3 olsa da, biz qalib gəlməyə qadirik. Biz artıq "Lion" İngiltərədə "Mançester Yunayted"ə necə problem yaratdığını görmüşük. Biz də eyni şeyi etməyə çalışacağıq".
Qeyd edək ki, bu komandalar arasında cavab oyunu mayın 8-də keçiriləcək.
